ADT Comp Group şirkəti, fiber optik patch cord istehsalı üzrə ixtisaslaşmış müəssisəyə malikdir. Müştəri tələblərinə uyğun olaraq istənilən ölçü, parametr və texniki spesifikasiyada fiber optik patch cord istehsalı həyata keçirilir. Sifarişin həcmindən və mürəkkəbliyindən asılı olaraq məhsullar 1–2 gündən başlayaraq 7–10 iş günü ərzində tam hazır şəkildə təhvil verilə bilər.
İstehsal prosesində SC/UPC, SC/APC, LC/UPC, LC/APC, FC, ST və digər növ konnektor başlıqlardan istifadə olunur. Bütün patch cord məhsulları peşəkar avadanlıqlarla hazırlanır, optik zəifləmə (Insertion Loss), geri əks etdirmə (Return Loss) və digər texniki göstəricilər üzrə testlərdən keçirilərək müştəriyə təqdim edilir.
Singlemode və Multimode olmaqla müxtəlif növ fiber optik kabellərlə istehsal mümkündür. Müştərinin layihəsinə uyğun simplex, duplex və müxtəlif uzunluqlarda patch cord həlləri təqdim edirik. İstəyə uyğun olaraq LSZH və PVC örtüklü kabel seçimləri də mövcuddur.
Məhsullarımız data mərkəzləri, server otaqları, GPON şəbəkələri, telekommunikasiya layihələri, CCTV sistemləri və korporativ şəbəkə infrastrukturlarında istifadəyə tam uyğundur. Keyfiyyətə nəzarət və operativ istehsal sayəsində müştərilərimizə etibarlı və uzunömürlü həllər təqdim edirik.
